VOV4.Êđê - Tui si dhar bruă mặt trận ƀuôn prŏng Hồ Chí Minh, truh kơ ară anei, mâo lu alŭ wăl hlăm ala čar đru kơ bruă gang mkhư̆ klei ruă tưp Covid-19 ti ƀuôn prŏng Hồ Chí Minh. Ară anei, ƀuôn prŏng tŭ mă leh giăm 709 êklai prăk, hlăm anăn, čar Bến Tre đru mguôp 500 êklăk prăk, čar Quảng Nam đru mguôp 2 êklai prăk. Mbĭt hŏng prăk kăk, ƀuôn prŏng Hồ Chí Minh lŏ tŭ mă lu mnơ̆ng dhơ̆ng lehanăn kdrăp masin hŏng ênoh êbeh 105 êklai prăk msĕ si: 10 tôn hbei tao mơ̆ng čar Vĩnh Long, 20 tôn braih mơ̆ng čar Đồng Tháp. Ară anei, ƀuôn prŏng Hồ Chí Minh dôk ngă bruă nao mbha prăk, mnơ̆ng dhơ̆ng hŏng ênoh giăm 709 êklai prăk kơ dŭm anôk bruă gang mkhư̆ klei ruă tưp Covid-19. Êngao kơ năn, mâo leh 105 anôk bruă, mnuih ƀuôn sang mâo klei đru mguôp êbeh 2.293 êklai prăk lehanăn dhar bruă mặt trận tŭ mă leh 244 êklai prăk. hlăm anăn mâo 1 êklai prăk mơ̆ng čar Tây Ninh kơ bruă blei vaccine Covid-19.