VOV4.Êđê- Hdră tlŏ mgang vaccine gang mkhư̆ klei ruă tưp Covid-19 kơ phung hđeh mơ̆ng 12 truh kơ 17 thŭn ti ala čar Việt Nam klă klơ̆ng dưi ngă mơ̆ng mlan 11/2021 hlăm kluôm ala. Ară anei mâo leh 6 alŭ wăl ngă bruă anei jing ƀuôn prŏng Hồ Chí Minh, Đà Nẵng, Bình Dương, Kiên Giang, Ninh Bình leh anăn Quảng Ninh. Mâo đa đa alŭ wăl mkăn mâo leh hdră tlŏ mgang kơ phung hđeh leh mâo vaccine. Phŭn bruă mdrao mgŭn mtô lač brei tlŏ mgang 100% mnuih ƀuôn sang mơ̆ng 18 thŭn kơ dlông hlăm wưng tlâo mlan tal 4 thŭn 2021 leh anăn akŏ thŭn 2022, Bi kơ bruă tlŏ mgang vaccine kơ phung hđeh ti gŭ 18 thŭn srăng dlăng kơ klei mkăp brei vaccine mơ̆ng anôk bruă mkra mjing. Phŭn bruă mdrao mgŭn dôk ngă hdră êlan yua vaccine thŭn 2022 leh anăn akâo boh blŭ mơ̆ng êpul gĭt gai ala čar bruă gang mkhư̆ klei ruă tưp leh anăn pŏk phai hnơ̆ng thŭn tlŏ mgang kơ phung hđeh kơ gŭ 12 thŭn tui si klei mtă mơ̆ng êpul bruă mdrao mgŭn tar rŏng lăn.

Pô mblang: Y-Ƀel Êban