VOV4.Êđê- Hlăm dŭm hruê êgao, lu alŭ wăl hlăm kluôm ala mâo ênoh mnuih ruă Covid 19 đĭ lu. Aguah hruê 30/12, ti Nghệ An lŏ mâo 81 čô djŏ klei ruă Covid 19 mrâo ti 13 alŭ wăl, hlăm anăn mâo 10 čô ruă hlăm êpul êya. Bi ti čar Hưng Yên, hlăm 2 hruê, 28 lehanăn 29 mlan 12, mâo 249 čô djŏ kman SARS-CoV-2. Klei năng mđing, hmao ƀuh lu mnuih ruă ti anôk bruă duh mkra hlăm alŭ wăl kdriêk Tiên Lữ, Văn Lâm, wăl krah Mỹ Hào. Ti čar Ninh Bình, hlăm hruê 29/12, mâo 29 čô ruă mrâo. Hlăm 2 hruê êgao, čar Bắc Ninh ăt mâo 411 čô ruă Covid 19. Đăo tĭng hlăm dŭm hruê ti anăp, ênoh mnuih ruă srăng đĭ hlăk hdră duh mkra – ala ƀuôn hlăm dŭm mlan knhal jih thŭn đĭ./.

                                                    Pô mblang: H’Nêč Êñuôl