VOV4.Êđê - Ƀri hruê bi hdơr 96 thŭn hruê Hră klei mrâo cách mạng Việt Nam (21/6), lu êpul bi ala mơ̆ng Phŭn, dhar bruă dưl dlông leh anăn alŭ wăl nao hơêč hmưi khua gĭt gai, knuă druh, phung čih klei mrâo, čih mkra hdră hlăm Sang mđung asăp blŭ Việt Nam (VOV). Nao chưn leh anăn hơêč hmưi kơ Sang mđung asăp blŭ Việt Nam, Khua phŭn bruă, Khua Dhar bruă djuê ana Hầu A Lềnh čang hmăng, Khua gĭt gai Sang mđung asăp blŭ Việt Nam leh anăn phung knuă druh, čih klei mrâo, čih mkra hdră mơ̆ng Sang mđung asăp lŏ dơ̆ng bi hgŭm, đru hâo hưn, mtô mblang hdră êlan truh kơ mnuih ƀuôn sang hlăm wưng kơ anăp. Khua phŭn bruă hâo hưn leh anăn mtô mblang Nguyễn Mạnh Hùng nao čhưn leh anăn hơêč hmưi VOV snăn lač, klei mrâo hlăk bi ktưn hŏng hla pŏk web ala ƀuôn; brei mlih mrâo gru hmô. Khua phŭn bruă Nguyễn Mạnh Hùng brei thâo, Phŭn bruă hâo hưn mtô mblang srăng msir mgaih dŭm bruă kơ klei bhiăn, hdră êlan čiăng mjing klei găl kơ bruă klei mrâo đĭ kyar. Ăt hlăm hruê 17-6, lu êpul bi ala dŭm Phŭn, dhar bruă, anôk bruă, gưl dlông leh anăn dŭm čar, ƀuôn prŏng ăt nao hơêč hmưi kơ Sang mđung asăp blŭ Việt Nam msĕ si: Phŭn bruă kahan ksiêm, Êpul hgŭm mnuih mă bruă Việt Nam, Phŭn bruă hŏng tač êngao, Knơ̆ng bruă sang čư̆ êa čar Hải Dương …

H Zawut pô mblang