VOV4.Êđê- Truh kơ tlkam hrue mbruê (17/9), Lâm Đồng mâo 272 čô mnuih ruă Covid 19, hlămanăn mâo leh 228 čô mnuih ruă mâo mdrao hlao kbiă leh mơ̆ng sang êa drao. Hlăm 272 čô mnuih ruă anăn hlăm čar Lâm Đồng jing tưp mơ̆ng anôk mâo klei ruă hlăm sang êwei mrai Đà Lạt, lehanăn mơ̆ng phung mgăt êdeh, pô đru mgăt êdeh mdiăng mnơ̆ng mơ̆ng čar mkăn. Hlăm anăn, kdriêk Đơn Dương mâo 45 čô, kdriêk Đức Trọng mâo 27 čô. Dŭm kdriêk Bảo Lâm, Cát Tiên, Lâm Hà knŏng mâo 1 čô mnuih ruă. Hjăn Lạc Dương jing kdriêk ka mâo ôh mnuih ruă covid 19. Boh nik, hlăm phung djŏ ti Lâm Đồng lu jing mâo mdrao hlao lehanăn kbiă leh mơ̆ng sang êa drao. Knŏng adôk mă 44 čô mnuih ruă dôk mdrao ti sang êa drao mdrao hđeh Lâm Đồng, lehanăn dua boh kdriêk Đơn Dương lehanăn Đức Trọng./.

Pô mblang: Y-Khem Niê