VOV4.Êđê- Êpul mă bruă mơ̆ng mặt trận čar kwar Lâm Đồng nao čhưn leh anăn hơêč hmưi knăm Phật Đản Phật lịch 2565 thŭn 2021 ti sang Yơng Tổ Đình Linh Quang leh anăn Sang Yơng  Linh Sơn ƀuôn prŏng Đà Lạt. Ti dŭm anôk nao chưn, Khua mặt trận čar kwar Việt Nam čar mơĭt leh klei hơêč hmưi jăk siam kơ phung khua dlăng bruă klei đaŏ, tăng, ni leh anăn phung đaŏ yơng hlăm yan phật đản jăk mơak, mbĭt anăn, čih yap leh anăn bi mni kơ dŭm klei đru mguôp mơ̆ng phung khua dlăng bruă klei đaŏ, phung yơng hlăm bruă hluê ngă hdră êlan mơ̆ng Đảng, hdră bhiăn Knŭk kna, boh nik hlăm hdră gang mkhư̆ klei ruă Covid-19 ti čar. Bi ala kơ dŭm anôk dlăng bruă klei đaŏ Yơng ti čar leh anăn ti ƀuôn prŏng Đà Lạt bi mni kơ klei mding dlăng, đru mơ̆ng Knơ̆ng bruă mặt trận čar leh anăn bruă kđi čar mjing nanao klei găl kơ klei đaŏ Yơng đĭ kyar ktang hĭn.

Pô mblang: H’Zawut Ƀuôn Yă