VOV4.Êđê -  Hruê 29/6, ti Hà Nôị, Dhar bruă mặt trận čar kwar gưl dlông Việt Nam mkŏ mjing leh Klei bi kƀĭn online pŏk hdră mjuăt bi hriăm kơ 2 mta klei djŏ tuôm kơ bruă ksiêm dlăng thŭn 2021: “Ksiêm dlăng bruă tŭ drông mnuih ƀuôn sang lehanăn msir mghaih klei kčŭt hưn hŏng Khua anôk bruă sang čư̆ êa dŭm gưl” lehanăn “Ksiêm dlăng phung knuă druh, Đảng viên lehanăn hdră kơ bruă knuă druh”. Hlăm gưl pŏk hdră ksiêm dlăng hlăm kluôm ala, bruă ksiêm dlăng klei tŭ drông mnuih ƀuôn sang lehanăn msir mghaih klei kčŭt hưn, anôk bruă mặt trận čar kwar srăng mđing hlăm bruă ksiêm dlăng hdră tŭ drông mnuih ƀuôn sang lehanăn msir mghaih klei kčŭt hưn hŏng Khua anôk bruă sang čư̆ êa dŭm gưl hlăm kluôm ala čar. Hŏng hdră “Ksiêm dlăng phung knuă druh, Đảng viên lehanăn hdră kơ bruă knuă druh”, mặt trận čar kwar srăng ksiêm dlăng bruă hluê ngă klei kčah mtrŭn hlăm bruă knuă druh, ksiêm dlăng bruă hluê ngă klei kčah mtrŭn hlăm bruă hưn mthâo ngăn drăp mơ̆ng phung knuă druh, mnuih mă bruă knŭk kna mơ̆ng dŭm gưl bruă Đảng, bruă sang čư̆ êa, anôk bruă ngă hră m’ar knŭk kna dŭm gưl, ksiêm dlăng phung knuă druh, Đảng viên ti anôk dôk.../.

H Nêč pô mblang