VOV4.Êđê- K’iăng Khua knŭk kna Lê Minh Khái mrâo bi siñê Hdră mtrŭn 1639/QĐ-TTg hruê 29/9/2021 kơ klei mbŏ ênoh blei leh anăn tŭ mă 20 êklăk aruăt vaccin gang mkhư̆ Covid-19 Vero Cell mơ̆ng Êpul grup  Sinopharm, Trung Quốc.  Hdră mtrŭn lač klă: Mbŏ prăk kơ Phŭn bruă mdrao mdrao mgŭn čiăng blei leh anăn tŭ mkă 20 êklăk aruăt vaccin Covid-19 Vero Cell mơ̆ng Êpul grup Sinopharm, Trung Quốc msĕ si klei akâo mơ̆ng Phŭn bruă ngăn prăk leh anăn Phŭn bruă mdrao mgŭn.  Dua phŭn bruă anei đua klam kơ boh phŭn leh anăn ênoh hưn mdah. Bruă kriê dlăng, mbŏ, tĭng tla ênoh bi liê mrâo lač hluê ngă djŏ klei kčah mtrŭn, djŏ hdră kñăm, mkiêt mkriêm, tŭ dưn, hưn mdah, klă mngač. Phŭn bruă mdrao mgŭn hưn mdah hŏng Khua knŭk kna kơ bruă ba yua ênoh prăk mrâo lač hluê si klei kčah mtrŭn.

Pô mblang: H’Zawut Ƀuôn Yă