VOV4.Êđê- Tlam mmăt mbrue (17/12), ti sang mđung asăp blŭ ala čar (58 êlan Quán Sứ Hà Nội, Sang mđung asăp blŭ Việt Nam VOV mkŏ mjing leh klei hrŏng ruah dŭm klei mmuiñ jăk siam hĭn mơ̆ng gưl bi lông knhal tuič klei muiñ “Mmuiñ bĕ Việt Nam – Let’s sing Vietnam” Anei jing klei bi lông čih klei mmuin prŏng êdi pioh kơ phung truăn kơ bruă lehanăn amâo mâo truăn ôh hlăm ala čar, lehanăn mnuih Việt Nam ti ala tač êngao čiăng bi êdah ai tiê pô hŏng lăn čar Việt Nam. Hlăm mlam mdah, mâo 12 klei mmuiñ mâo ruah mơ̆ng 45 mta klei mmuiñ truh hlăm klei bi lông knhal tuič, anei jing dŭm klei muiñ jăk êdi, mmuiñ ñŭ kma hlăm ai tiê mnuih hmư̆, lehanăn phung brei puăng klei bi lông. Hlăk 8h mlam hrue anei (18/12) knăm mđup brei klei pah mni mâo mkŏ mjing ti sang mmuiñ Sang mđung asăp blŭ Việt Nam 58 Quán Sứ Hà Nội. Hdră anei hlŏng mđung rup ti mmông anăn mtam hŏng dŭm êlan VOVTV; VTC1, mđung asăp online hlăm VOV1, VOV3, online hlăm VOV.VN, VTC Now, VTC New lehanăn hlăm dŭm êlan mđung mkăn mơ̆ng sang mđung asăp blŭ Việt Nam./.

Pô mblang: Y-Khem Niê