VOV4.Êđê- Aguah anei, hruê 10/6 ti Hà Nội, Phŭn bruă Lŏ hma mđĭ kyar krĭng ƀuôn sang mkŏ mjing leh klei bi kƀĭn online kơ hdră msir mđĭ boh tŭ bruă ba yua, mkra mjing, hrui blei mnơ̆ng hlăm wwa thŭn 2021. Khădah hmăi mơ̆ng klei ruă Covid 19, thŭn 2020 hdră ba yua, mkra mjing ăt krơ̆ng kjăp hnơ̆ng đĭ kyar, boh tŭ bruă rông mnơ̆ng hlăm êa lehanăn hnơ̆ng mâo mnơ̆ng hlăm êa thŭn 2020 đĭ mkă hŏng thŭn 2019, hŏng 3,85 êklăk ton, ênoh prăk bi mnia mblei hŏng tač êngao mâo 8,6 êklai đôlar, hlăm anăn mnơ̆ng hlăm êa mâo 3,2 êklai đôlar. Hluê si klei tĭng dlăng kluôm, klei ruă Covid 19 dôk mâo dleh dưi ksiêm dlăng, hdră kah mbha mnơ̆ng hlăm êa mâo klei gun kpăk ti lu wăl anôk mnia mblei. Ênoh čhĭ mnơ̆ng hlăm êa hrŏ; Hưn răng ‘’Hră kñĭ’’ mơ̆ng Dhar bruă krĭng Ơ rôp ka dưi ruh mtlaih hmăi leh kơ hdră bruă rông mnơ̆ng hlăm êa jing klei dleh dlan mâo anôk bruă dôk tlă anăp./.

Pô mblang: H’Nêč Êñuôl