VOV4.Êđê- Phŭn bruă mdrao mgŭn mrâo mâo hră m’ar ba m’ĭt kơ Anôk bruă sang čư̆ êa dŭm čar, ƀuôn prŏng hlăm gưl dlông kơ bruă mđĭ hdră gang mkhư̆ klei ruă hlăm jơ̆ng – kngan ƀăng êgei. Mơ̆ng akŏ thŭn truh kơ ară aneu, kluôm ala mâo giăm 17.500 čô mâo klei ruă hlăm jơ̆ng – kngan ƀăng êgei, hlăm anăn mâo 4 čô djiê. Mkă hŏng wưng anei thŭn êlâo, ênoh mnuih ruă đĭ êbeh 4 bliư̆ lehanăn đĭ lar ti krĭng kwar Dhŭng. Čiăng mđĭ hdră gang mkhư̆ klei ruă hlăm jơ̆ng – kngan ƀăng êgei, bi hrŏ tuič hnơ̆ng ênoh mnuih ruă, mnuih djiê, amâo lui klei ruă anei bluh mâo hlăm wưng sui, Phŭn bruă mdrao mgŭn mâo leh Hră mtrŭn mrô 2527/BYT-DP m’ĭt kơ anôk bruă sang čư̆ êa dŭm čar, ƀuôn prŏng hlăm gưl dlông gĭt gai dŭm mta bruă kñăm gang mkhư̆ klei ruă hlăm jơ̆ng – kngan ƀăng êgei./.

                                                    Pô mblang: H’Nêč Êñuôl