VOV4.Êđê- Ară anei, adiê mđiă hlơr leh anăn thu krô mâo hlăm lu anôk, boh nik hlăm alŭ wăl kwar Krah, huĭ srăng mâo klei pui ƀơ̆ng dliê ti lu alŭ wăl, lu wăl dliê hlăk ti hnơ̆ng hưn brei răng pui ƀơ̆ng dliê gưl IV, gưl V (gưl huĭ hyưt leh anăn huĭ hyưt êdi). Čiăng pral gang mkhư̆ klei pui ƀơ̆ng dliê, Khua phŭn bruă lŏ hma leh anăn mđĭ kyar krĭng ƀuon sang Lê Minh Hoan mâo hră mơar mơĭt kơ bruă sang čư̆ êa dŭm alŭ wăl mtă gĭt gai pŏk ngă dŭm bruă mjêč kơ mđĭ ktang hdră msir mjêč gang mkhư̆, truih mdjiê klei pui ƀơ̆ng dliê. Klă klơ̆ng gĭt gai Knơ̆ng bruă sag čư̆ êa dŭm gưl leh anăn dŭm anôk bruă djŏ tuôm ngă bruă klam kriê dlăng kơ hdră gang mkhư̆, truih mdjiê klei pui ƀơ̆ng dliê, mđĭ ktang bruă ksiêm dlăng, ktuê dlăng gang mkhư̆, truih mdjiê klei pui ƀơ̆ng dliê, dlăng anei jing bruă phŭn. Ksiêm dlăng êpul, kdrăp mnơ̆ng, prăk kăk čiăng ngă jăk klei blŭ “pă ti năn mtam’, mbha êpul gak răng jih hruê mlan hlăm jih yan không, hmao thâo ƀuh anô pui ƀơ̆ng dliê, ba nao êpul nao mkhư̆ klei pui ƀơ̆ng dliê hnum hĭn, amâo brei pui ƀơ̆ng lu anôk.

Pô mblang: H’Zawut Ƀuôn Yă