VOV4.Êđê - Hruê 24-6, ti Anôk bruă knŭk kna, K’iăng Khua knŭk kna Trương Hoà Bình, Khua anôk bruă gĭt gai gưl dlông Hdră kñăm ala čar mđĭ kyar bruă duh mkra - ala ƀuôn krĭng mnuih djuê ƀiă leh anăn krĭng čư̆ čhiăng wưng thŭn 2021-2030, gĭt gai klei bi kƀĭn mơ̆ng Anôk bruă gĭt gai. K’iăng Khua knŭk kna Trương Hoà Bình mñă klă lŏ dơ̆ng mđĭ klei mĭn čŏng ngă, kpưn đĭ mơ̆ng mnuih djuê ƀiă, mjing dŭm hdră bi lông ktưn.

Dŭm anôk bruă ngă bruă jih ai tiê čiăng hdră anei klă sĭt mâo klei tŭ dưn, klei hdĭp mnuih ƀuôn sang djuê ƀiă leh anăn krĭng čư̆ čhiăng ƀrư̆ dưi bi mđĭ. Hluê si K’iăng Khua knŭk kna Trương Hoà Bình, hlăm boh klei ruă Covid-19 lŏ dơ̆ng hmaĭ kơ djăp mta ra bruă mơ̆ng klei hdĭp duh mkra - ala ƀuôn, Hdră anei đru mguôp prŏng prĭn mđĭ bruă mkăp - ba yua, mjing bruă mă, mđĭ kyar bruă mkra mjing, mnia blei, jing bruă yuôm bhăn kơ klei êđăp ênang ala ƀuôn, boh nik hŏng phung êdu awăt, gŏ êsei ƀun, gŏ êsei mâo klei hdĭp dleh dlan ti krĭng taih kbưi.

H Zawut pô mblang