VOV4.Êđê - Phŭn bruă mdrao mgŭn mrâo jao kơ dŭm Sang êa drao gưl dlông mkŏ mjing 3.000 jhưng đih lŏ krŭ wĭt klei suaih pral mjêč hlăm alŭ wăl ƀuôn prŏng Hồ Chí Minh. Anei jing klei bi mklă mơ̆ng Khua phŭn bruă mdrao mgŭn Nguyễn Thanh Long ti anôk mă bruă hŏng Anôk bruă Đảng ƀuôn prŏng, Anôk bruă sang čư̆ êa ƀuôn prŏng Hồ Chí Minh kơ hdră gang mkhư̆ klei ruă tưp ti alŭ wăl hlăm aguah hruê 29/7.

Khua phŭn bruă mdrao mgŭn Nguyễn Thanh Long lač snei, bruă mâo klei mđing êdi ti ƀuôn prŏng Hồ Chí Minh ti wưng ară anei jing si srăng ngă čiăng dưi dŏng mdrao jih phung ruă kjham lehanăn bi hrŏ ênoh mnuih djiê. Êngao kơ êpul thơ̆ng kơ bruă mâo ba nao leh êlâo kơnăn, Phŭn bruă mdrao mgŭn lŏ tiŏ nao lu phung khua hlăm dŭm Knơ̆ng bruă djŏ tuôm lehanăn phung Khua sang êa drao gưl dlông nao kơ ƀuôn prŏng Hồ Chí Minh hrăm mbĭt mkŏ mjing anôk dŏng mdrao, boh nik jing adŭ mdrao lŏ krŭ wĭt klei suaih pral mjêč kơ mnuih ruă Covid 19./.

H Nêč pô mblang