VOV4.Êđê- Mlan 9 kơ anăp srăng pŏk ngă tlŏ vaccin Nano Covac mơ̆ng Sang hră bi hriăm nai aê mdrao kahan mkra mjing. Klei hâo hưn anei dưi ba mdah hlăm Klei bi kƀĭn trực tuyến kluôm êpul lĭng kahan pŏk ngă bruă čuăn, hdră mjêč gang mkhư̆ klei ruă Covid-19 hlăm êpul lĭng kahan truh 187 anôk mkŏ mâo Phŭn bruă răng mgang ala čar mkŏ mjing aguah 1/6. Hlăm klei bi kƀĭn, Trung tướng, Nai prŏng nai prĭn Đỗ Quyết, Khua Sang hră bi hriăm nai aê mdrao kahan brei thâo, hdră ksiêm hriăm lông ba yua vaccin Nano covac mơ̆ng Sang hră mguôp hŏng pô kăp đru Nanogen dưi pŏk ngă êđăp ênang, mâo klei tŭ jăk. Hlăm mlan 9 anei srăng lông tlŏ wưng tal 3 hŏng ênoh lông lu, lông tlŏ hlăm êbeh 13 êbâo čô mnuih leh anăn ngă ti lu čar, ƀuôn prŏng hlăm kluôm ala. Hlue si Nai prŏng nai prĭn Đỗ Quyết, leh mâo Êpul hgŭm knhuah hdĭp ala čar bi mklă leh anăn Phŭn bruă mdrao mgŭn mkăp klei dưi tlŏ mgang snăn hlăm mlan 9 kơ anăp srăg tlŏ vaccin anei.

Pô mblang: H’Zawut Ƀuôn Yă