VOV4.Êđê- Tui ngă hdră mtrŭn mrô 19 mơ̆ng gưl dlông jao kơ bruă Đảng hlăm bruă kƀĭn ala gĭt gai kơ bruă bi mlih, bi mbŏ klei bhiăn yua lăn thŭn 2003. Mbĭt hŏng anăn lŏ ngă klei ksiêm dlăng, bi kluôm ênŭm dŭm klei bhiăn djŏ tuôm, mjing knơ̆ng kơ bruă tui ngă hdră mtrŭn lehanăn bruă ksiêm dlăng hlăm ala čar. Hlăm mbruê 19/8, khua bruă kƀĭn ala Vương Đình Huệ mbĭt hŏng êpul ngă bruă mâo leh klei mă bruă hŏng phŭn bruă ngă dŏ lehanăn wăl hdĭp mda.

Bi mklin hlăm klei mă bruă anăn, khua bruă kƀĭn ala Vương Đình Huệ lač, klei bhiăn yua lăn jing sa klei bhiăn mâo klei kñăm hlăm klei bhiăn ala čar kơ lăn ala, sa hlăm dŭm klei bhiăn ala čar mâo klei yuôm bhăn, mâo bruă ngă prŏng lehanăn mâo lu klei dleh. Khua bruă kƀĭn ala vdn mñă klă, čiăng lŏ ngă bruă ksiêm duah klei prŏng ngă bruă mơ̆ng hdră mkăp klei bhiăn anei, dlăng yuôm bhăn bruă čih yap bruă ngă hŏng klei klă mngač, kpă ênô, dŭm boh klei ka tuôm ksiêm duah srăng mâo klei răng. Mbĭt hŏng anăn, hlăm klei mđing hmư̆, hưn mdah mâo na nao klei ksiêm dlăng, mđĭng hmư̆ lu tĭng, hrŏng ruah lehanăn bi êngeh./.

Pô mblang: Y-Ƀel Êban