VOV4.Êđê- Mbĭt hŏng bruă drông mnuih ƀuôn sang mơ̆ng krĭng dôk mâo klei ruă tưp ti kwar Dhŭng wĭt hŏng ênoh lu, ară anei ênoh mnuih ruă Covid 19 hlăm krĭng bi ktlah ti alŭ wăl čar Gia Lai ăt đĭ nanao đrông, ngă kơ mnuih ƀuôn sang ti Gia Lai čiăng hnưm dưi tlŏ vaccine gang mkhư̆ Covid 19 hnưm. Čar Gia Lai ăt hluê ngă hdră tlŏ mgang gưl 5 kơ mnuih ƀuôn sang lehanăn dôk mtrŭt mđĭ hdră tlŏ vaccine, ƀrư̆ mđĭ ai bi kdơ̆ng hŏng klei ruă hlăm yang ƀuôn. Hdră kčah dưi mkŏ mjing truh ti thŭn 2022, rơ̆ng kjăp hdră hluê ngă mơ̆ng Gưl dlông kñăm mjing ai bi kdơ̆ng hŏng klei ruă hlăm yang ƀuôn ti čar Gia Lai. Hŏng mnuih ƀuôn sang ti krĭng taih kbưi srăng čih anăn lehanăn tlŏ ti alŭ wăl anăn, rơ̆ng hluê ngă djŏ hdră. Čar dôk gĭr ktưn truh knhal jih thŭn 2021, ênoh mnuih tlŏ vaccine srăng mâo 70% ênoh mnuih kluôm čar. Gưl tlŏ kñhal tuič hlăm 3 mlan gưl 1 thŭn 2022./.

Pô mblang: H’Nêč Êñuôl