VOV4.Êđê - Hrue mbrue (2/12), čar Lâm Đồng mâo lŏ mâo truh 129 čô mnuih djŏ Covid 19 mrâo, mđĭ ênoh mnuih ruă hlăm čar truh 3 êbâo 623 čô mnuih. Ênoh djŏ Covid 19 ti Lâm Đồng đĭ leh êbeh kơ 9 blư̆ mkă hŏng wưng čar anei pŭn mâo klei ruă tưp ngă klei bi ktlah yang ƀuôn. Čiăng bi hrŏ kơ dŭm anôk mdrao mgŭn mnuih ruă Covid 19, knơ̆ng bruă sang čư̆ êa čar Lâm Đồng bi klă leh hdră mdrao mgŭn mnuih ruă ti sang.

Hlue anăn F0 mdrao kơ sang jing mnuih ruă êdu amâo mâo klei bi knăl, thâodah klei bi knăl êdu mơh, amâo mâo truh kơ klei ruă hlăm ksŏ, amâodah kƀah osi ôh, lehanăn jing mnuih tlŏ leh dua aruăt vaccine, amâodah sa aruăt vaccine Covid 19 leh 14 hrue... Êngao anăn, F0 mdrao kơ sang brei bi mâo djăp ênoh čuăn kơ pưk sang mnơ̆ng mnuă yua, rơ̆ng djăp kdrăp mdrao mgŭn./.

Y-Khem pô mblang