VOV4.Êđê - Leh 21 hruê mdrao mgŭn ti Sang êa drao hnak leh anăn ksŏ čar Dak Lak hŏng 3 blư̆ ksiêm mkă giăm anei mâo klei tŭ amâo lŏ ƀuh ôh kman SARS- CoV2, aguah 22/6, mnuih ruă Covid-19 mrô 7186 dưi wĭt mơ̆ng sang êa drao. Mnuih ruă Covid -19 mrô 7186 ti să Čư̆ Môt, kdriêk Ea Hleo, čar Dak Lak. Mnuih ruă anei dưi ƀuh djŏ kman Sars-Cov-2 hruê 31-5. Anei jing mnuih ruă djŏ tuôm kơ phung ruă hlăm phung đaŏ Phục Hưng ti ƀuôn prŏng Hồ Chí Minh.

Djŏ tuôm kơ pô anei, Knơ̆ng bruă sang čư̆ êa kwang dar leh 3 alŭ leh anăn 9 anôk hŏng êbeh 2.500 čô mnuih ƀuôn sang. Ngă klei bi ktlah yang ƀuôn hluê si Asăp mtrŭn 15 mơ̆ng Khua Knŭk kna hŏng wăl krah Ea Drăng, să Ea Wy, să Čư̆ Mốt hŏng 36 êbâo čô mnuih ƀuôn sang. Leh kbiă mơ̆ng sang êa drao, pô anei dưi ba wĭt kơ anôk dôk čiăng lŏ dơ̆ng ktuê dlăng klei suaih pral ti anôk dôk djŏ si klei Phŭn bruă mdrao mgŭn kčah mtrŭn.

H Zawut pô mblang