VOV4.Êđê- Leh 41 hrue dôk mdrao, hrue mbrue (25/6), mnuih ruă Covid 19 mrô 3836 ti Daklak kbiă leh mơ̆ng sang êa drao hlăm klei mơak mơ̆ng găp djuê lehanăn êpul phung nai aê mdrao. Mnuih ruă Covid 19 mrô 2836 anei jing F1 mơ̆ng mnuih ruă 3052 ti Thuận Thành, Bắc Ninh. Anei jing mnuih ruă kjham hĭn dleh dôk mdrao. Leh ba mdrao kơ sang êa drao, mnuih ruă mâo klei bi knăl dlưh ai bi êwa, ngă êrah bi êkŏ, lehanăn tơl truh bi êwa hŏng masin truă ti ƀô̆, yua êa drao kháng sinh, kdơ̆ng hŏng klei êkŏ êrah, kar êra... Dhar bruă mdroa mgŭn Daklak tiŏ nao leh truh kơ 3 êpul phung nai aê mdrao mơ̆ng sang êa drao prŏng krĭng Lăn Dap Kngư truh kơ sang êa drao Hnak lehanăn ksŏ čiăng jih ai tiê mdrao mgŭn kơ mnuih ruă anei. Sang êa drao Chợ Rẫy ƀuôn prŏng Hồ Chí Minh ăt tĭ hriê 3 čô nai aê mdrao đru bi mdrao. Truh kơ ară anei leh 3 blư̆ mkă dlăng kman amâo lŏ ƀuh kman ôh, mnuih ruă dưi wĭt kơ sang, lehanăn lŏ ktuê ksiêm djŏ hŏng klei Phŭn bruă mdrao mgŭn mtă mtăn./.

Pô mblang: Y-Khem Niê