VOV4.Êđê - Tlam hruê 17-6, Khua hlăm bruă Đảng gưl dlông, Khua phŭn bruă hŏng tač êngao Bùi Thanh Sơn mđup brei leh ênh prăk đru gmuôp êbeh 6 êklai 2 êtuh êklăk prăk mơ̆ng êpul êya mnuih Việt Nam ti ala tač êngao. Êngao kơ ênoh anei, hlăm dŭm hruê êgao, êpul êya mnuih Việt Nam hŏng giăm 30 êpul bruă, êpul hgŭm ti Mi, Canada, Prăng… pŏk ngă hdră “Hrăm mbĭt kyua Việt Nam” leh anăn “10.000 hnơ̆ng vaccin Việt Nam”, hnưm dưi ba kơ ala čar kñăm đru kơ mnuih ƀuôn sang hlăm ala čar boh nik phung aê mdrao leh anăn phung dôk ngă bruă ti anôk phŭn hgao klei ruă tưp Covid-19.

H Zawut pô mblang