VOV4.Êđê- Mơ̆ng 12h yang hruê dơ̆ng hruê 19/7, čar Lâm Đồng brei 100% ênoh phung mgăt êdeh, đru mgăt amâo dưi wĭt ti sang, brei dôk ti anôk dôk mklin sa anôk mâo Anôk bruă sang čư̆ êa čar dŭm kdriêk, ƀuôn prŏng kah mbha. Hŏng bruă dŭ mdiăng mnơ̆ng dhơ̆ng mlir čar, knŏng brei êdeh dŭ mdiăng mnơ̆ng dhơ̆ng čiăng yua, mnơ̆ng mkăp kơ bruă duh mkra mnia mblei ƀiădah brei ba yua kjăp hdră msir gang mkhư̆ klei ruă hluê si klei gĭt gai mơ̆ng čar Lâm Đồng.

Mbĭt anăn, phung mgăt, đru mgăt leh wĭt ti Lâm Đồng brei hưn mthâo ktuê êlan nao ti anôk ksiêm dlăng gang mkhư̆ klei ruă Covid 19 mbĭt anăn brei dôk ti anôk dôk mklin mâo Anôk bruă sang čư̆ êa kdriêk kah mbha. Amâo dưi wĭt ti sang, krĭng mnuih ƀuôn sang dôk kñăm bi hrŏ klei tưp lar mơ̆ng klei ruă anei kơ gŏ sang lehanăn êpul êya yang ƀuôn./.

                                                    Pô mblang: H’Nêč Êñuôl