VOV4.Êđê- Knơ̆ng bruă vaccine Việt Nam mrâo brei thâo, yap mơ̆ng mlan 7 kơ anăp, grăp hrue kăm mâo 1 êklăk hnơ̆ng vaccine AstraZeneca truh kơ Việt Nam. Anei jing ênoh vaccine dôk hlăm klei bi tŭ ư blei truh 30 êklăk hnơ̆ng vaccine mơ̆ng knơ̆ng bruă vaccine Việt Nam jing êpul êy abruă tal êlâo mâo ba êbeh 176 êbâo hnơ̆ng vaccine gang mkhư̆ klei ruă tưp covi 19 AstraZeneca truh kơ Việt Nam mơ̆ng knhal jih mlan 2. Jih jang vaccine anei ba leh kơ phŭn bruă mdrao mgŭn pioh kơ klei tlŏ mgang amâo mâo mă prăk ôh. Ăt djŏ tuôm hŏng vaccine, mâo leh klei dưi mơ̆ng knŭk kna, tlam hrue 20/6 ti tač êdeh phiơr prŏng Nội Bài, Êpul bruă hŏng tač êngao gưl dlông, Phŭn bruă hŏng tač êngao, lehanăn Phŭn bruă mdrao mgŭn bi mguôp leh hŏng Anôk bruă bi ala knŭk kna trung Quốc ti Việt Nam tŭ mă truh 500 êbâo hnơ̆ng vaccin Vero Cell mơ̆ng Sinopharm./.

Pô mblang: Y-Khem Niê