VOV4.Êđê- Mmăt hruê 16-4, ti Wăl dhar kreh-hiu čhưn ênguê dŭm djuê ana Việt Nam( Đồng Mô - Sơn Tây,Hà Nội), Phŭn bruă dhar kreh - mjuăt ktang asei mlei, hiu čhưn ênguê bi hgŭm hŏng dŭm Phŭn, dhar bruă gưl dlông leh anăn alŭ wăl mkŏ mjing Hdră mphŭn pŏk hruê dhar kreh dŭm djuê ana Việt Nam thŭn 2021. Hdră kdŏ mmuiñ kkuh drông Hruê Dhar kreh dŭm djuê ana Việt Nam thŭn 2021 mâo 4 kdrêč: “Wĭt kơ phŭn agha, Klei mngač mtrang, klei čang hmăng, Sa boh sang mbĭt” dưi mkŏ mjing hŏng lu klei kdŏ mmuiñ kñăm krŭ wĭt knhuah gru khăp kơ ala čar, ktưn hưn djuê ana, kriê pioh dhar kreh hlăm êpul êya 54 djuê ana.

Hdră dưi mkŏ mjing jăk mpŭ kơ hruê knhuah gru dŭm djuê ana leh anăn mđĭ klei thâo săng, bruă klam mơ̆ng jih jang djuê ana hlăm bruă răng mgangm kriê pioh dŭm mnơ̆ng dhar kreh djuê ana, mjing tur knơ̆ng mkra mđĭ, mkŏ mjing êpul bi hgŭm jih jang yang ƀuôn leh anăn mđĭ kyar bruă dhar kreh Việt Nam đĭ kyar, jiă kma knhuah djuê ana.

Pô mblang: H’Zawut Ƀuôn Yă