VOV4.Êđê- Aguah anei 14-6, ti Sang bruă kƀĭn ala, mphŭn pŏk leh klei bi kƀĭn tal 57 mơ̆ng Dhar bruă kƀĭn ala. Mkŏ mjing hlăm 2 hruê, hruê anei leh anăn mgi, hlăm klei bi kƀĭn anei, Dhar bruă kƀĭn ala srăng brei klei blŭ mguôp hlăm lu mta phŭn yuôm bhăn. Khua bruă kƀĭn ala Vương Đình Hụê blŭ hrăm mphŭn pŏk klei bi kƀĭn, mjưh ruê̆ leh anăn mbĭt hŏng phung K’iăng khua bruă kƀĭn ala bi mlih tuôr gĭt gai klei bi kƀĭn. Hluê si Hdră mĭn tĭng, Dhar bruă kƀĭn ala brei klei blŭ mguôp kơ Klei hưn mdah ksiêm wĭt tal êlâo klei ruah khua phung bi ala bruă kƀĭn ala gưl 15 leh anăn êpul gơ̆ng bruă ƀuôn sang dŭm gưl wưng thŭn 2021-2026. Brei klei blŭ kơ hdră mĭn tĭng Hdră mkŏ mjing hdră bhiăn thŭn 2022 mơ̆ng Quốc hội. Brei klei blŭ mguôp kơ bruă mkŏ mjing klei bi kƀĭn tal 1, Quốc hội gưl 15.

Pô mblang: H’Zawut Ƀuôn Yă