VOV4.Êđê- Aguah hruê 10/11, mkŏ mjing leh Klei bi kƀĭn Khua phŭn bruă Lĭng kahan dŭm ala čar ASEAN (ADMM) hluê hdră online hŏng klei nao hgŭm mơ̆ng phung khua phŭn bruă lĭng kahan dŭm ala čar hlăm ASEAN. Thiếu tướng Pehin Hanbi, Khua phŭn bruă tal 2 Phŭn bruă lĭng kahan Brunei gĭt gai Klei bi kƀĭn. Ti anôk bi kƀĭn, leh hmư̆ pô bi ala Brunei hưn mdah hdră bi hgŭm mơ̆ng leh klei bi kƀĭn ADMM tal 15 lehanăn Klei bi kƀĭn ADMM + tal 8, phung Khua phŭn bruă bi trông leh kơ hdră êlan phŭn mơ̆ng ADMM ƀri bi hdơr 15 thŭn ADMM. Blŭ hrăm ti anôk bi kƀĭn, Đại tướng Phan Văn Giang, Khua phŭn bruă lĭng kahan, Khua êpul Việt Nam mñă klă: Răng mgang kjăp klei êđăp ênang ala čar, klei êđăp ênang êlan êa, klei êngiê êlan phiơr jing klei tŭ dưn mơ̆ng jih jang ala čar hlăm tar rŏng lăn, kyua anăn ASEAN brei mâo klei mĭn kjăp, klei bhiăn kjăp kơ boh klei Êa ksĭ Ngŏ./.

                                                    Pô mblang: H’Nêč Êñuôl