VOV4.Êđê - Aguah hruê 29/6, Êpul gơ̆ng bruă ƀuôn sang čar Gia Lai gưl XII, wưng thŭn 2021 – 2026 mphŭn pŏk leh Klei bi kƀĭn tal 1. Anei jing klei bi kƀĭn mâo boh tŭ yuôm bhăn, pŏk hdră bruă klă klơ̆ng tal êlâo mơ̆ng Êpul gơ̆ng bruă ƀuôn sang čar lehanăn bruă sang čư̆ êa čar Gia Lai wưng thŭn 2021 – 2026. Ti anôk bi kƀĭn anei, Êpul gơ̆ng bruă ƀuôn sang čar srăng ksiêm dlăng, bi mklă dŭm mta klei yuôm bhăn, mâo: Klei hưn mdah boh tŭ ruah pô bi ala Êpul gơ̆ng bruă  ƀuôn sang čar lehanăn hưn mdah boh tŭ bi mklă k’hưm mơ̆ng phung bi ala Êpul gơ̆ng bruă ƀuôn sang čar gưl 12, wưng thŭn 2021 – 2026, bi mklă mkŏ mjing Anôk bruă djuê ana mơ̆ng Êpul gơ̆ng bruă ƀuôn sang čar lehanăn hluê ngă hdră ruah phung khua kiă kriê kmeh gơ̆ng hlăm anôk bruă sang čư̆ êa gưl čar tal 12, hmư̆ Dhar bruă mặt trận čar hưn mthâo klei blŭ, klei akâo čiăng mơ̆ng mnuih ƀuôn sang ti anôk bi tuôm plah wah mnuih ƀuôn sang hŏng pô mgơ̆ng ruah ngă pô bi ala Êpul gơ̆ng bruă mnuih ƀuôn sang čar tal 12, wưng thŭn 2021 – 2026, ksiêm dlăng bi mklă hdră kčah mkŏ mjing dŭm klei bi kƀĭn grăp gưl thŭn 2021 mơ̆ng Êpul gơ̆ng bruă ƀuôn sang čar tal 12./.

H Nêč pô mblang