VOV4.Êđê - Aguah hruê 17-6, Êpul gơ̆ng bruă buôn sang čar Gia Lai gưl IX mkŏ mjing klei bi kƀĭn tal 21 (thơ̆ng kơ bruă). Hlăm klei bi kƀĭn tal anei, Êpul gơ̆ng bruă ƀuôn sang čar Gia Lai ksiêm dlăng, bi mklă hdră êlan duh bi liê 83 hdră bruă kyua Knơ̆ng bruă sang čư̆ êa čar hưn mdah. Anei jing dŭm hdră bruă yuôm bhăn, đa đa hdră bruă srăng jing mta kñăm, hdră bruă phŭn, yuôm bhăn čiăng mđĭ kyar anôk bruă nah gŭ ti čar, lu hdră bruă hmaĭ prŏng kơ klei đĭ kyar bruă duh mkra - ala ƀuôn ti čar wưng thŭn 2021-2025 leh anăn dŭm thŭn kơ anăp. Blŭ hrăm mphŭn pŏk klei bi kƀĭn, khua Êpul gơ̆ng bruă buôn sang čar Gia Lai mtă kơ phung bi ala Êpul gơ̆ng bruă ƀuôn sang čar, phung bi ala nao hlăm klei bi kƀĭn ksiêm dlăng hlăm ai tiê êngiê kơ mnuih ƀuôn sang, đua klam, kpă mngač hlăm klei bi trông, kƀĭn hlăm dŭm bruă phŭn hŏng djăp boh phŭn, čiăng Êpul gơ̆ng bruă buôn sang čar bi mklă dŭm hdră êlan djŏ, mđĭ lar klei tŭ dưn ênoh prăk mơ̆ng hdră duh bi liê knŭk kna wưng man dưn hlăm wưng thŭn 2021-2025 kyua klei đĭ kyar mơ̆ng čar”.

H Zawut pô mblang