VOV4.Êđê- Adŭ bruă Anôk bruă gĭt gai gưl dlông kơ hdră gang mkhư̆ klei yan adiê ngă mrâo mâo Hră mơar mơĭt kơ Anôk bruă gĭt gai gang mkhư̆ klei yan adiê ngă leh anăn tui duah phung klei truh dŭm čar, ƀuôn prŏng ktuê hang ksĭ mơ̆ng Quảng Ninh truh Bình Thuận leh anăn krĭng Dưr; dŭm Phŭn bruă: lŏ hma leh anăn mđĭ kyar krĭng ƀuôn sang, Mdrao mgŭn, Lĭng kahan, Kahan ksiêm, Êlan klông dŭ mdiăng leh anăn Tuh tia mnia blei pŏk ngă dŭm hdră mdrơ̆ng hŏng angĭn êbŭ mâo anăn Conson leh anăn hjan prŏng. Boh phŭn Hră mtrŭn mtă kơ Anôk bruă gĭt gai gang mkhư̆ klei yan adiê ngă leh anăn tui duah phung klei truh dŭm Phŭn, dhar bruă, alŭ wăl mrâo lač ktuê dlăng hdră mdrơ̆ng leh anăn pŏk ngă hdră gang mkhư̆ klei yan adiê ngă hlăm boh klei ruă tưp Covid-19 hluê si klei Khua knŭk kna gĭt gai, boh nik hdră mbĕ đuê̆ rơ̆ng êđăp ênang tơdah angĭn ktang, êa lip, klưh lăn leh anăn rơ̆ng gang mkhư̆ klei ruă tưp leh anăn êđăp ênang kơ anôk mbĕ đuê̆ mnuih ƀuôn sang.

Pô mblang: H’Zawut Ƀuôn Yă