VOV4.Êđê-  Hrue 19/4, jing hrue 8/3 mlan ƀlĕ, hlăm hdră mkŏ mjing klei ngă yang kơ mtao Hùng thŭn 2021, ti alŭ wăl knhuah gru hƀuê ênuk ala čar Sang yang Hùng čar Phú Thọ pŏk leh klei bi lông đŭng điŏ, bi lông tŭk riă ƀêñ čưng, tlê bên dày tal 8. Klei bi lông anei mâo 13 êpul hŏng giăm 100 čô mnuih nao bi lông lehanăn mâo lu phung tue nao dlăng. Leh ênai hgơr pŏk klei bi lông, jih jang phung bi lông bi mthuăt nao hlăm klei bi lông hŏng jih ai tiê mtam. Dŭm êpul bi lông đŭng 10 klŏ ƀêñ čưng knŏng hlăm wang 10 mnĭt. Hŏng wưng kčah sui êdi jing 45 mnĭt, grăp êpul bi lông tŭk bi ksă, tlê bi ƀhĭ 50kg braih điŏ mjing 10 klŏ bêñ dày.

Jih jang klei bi lông anei jiă knhuah gru djuê ana, bi êdah klei “mnăm êa hdơr kơ akŏ”. Anei ăt jing wưng čiăng kơ puhng bi lông, lehanăn phung ƀuôn sang djăp djuê ana hlăm čar, lehanăn êngao čar mâo klei bi tuôm, bi hriăm êmuh halwm bruă kriê pioh, mđĭ hĭn knhuah gru dhar kreh djuê ana. Êpul mâo mă klei pah mni mrô sa đŭng, tŭk ƀêñ čưng, lehanăn mâo mă klei pah mni mrô sa tlê ƀêñ dày thŭn anei srăng mâo knơ̆ng bruă sang čư̆ êa čar ruah lŏ nao bi lông ƀêñ čưng, ƀêñ dày ba myơr kơ puhng mtao Hùng thŭn 2022./.

Pô mblang: Y-Khem Niê