VOV4.Êđê - Hdra\ brua\ “Bi hro\ hnơ\ng êran – klei êđa\p ênang ti sang hra\” dưi lông po\k nga\ ti [uôn pro\ng Pleiku, ]ar Gialai mđ^ lar leh klei tu\ dưn. Mb^t ho\ng brua\ duh bi liê dja\p ênu\m kơ anôk brua\ nah gu\, êlan klông ga\n sang hra\, klei thâo sa\ng hluê nga\ djo\ Hdra\ bhia\n êlan klông mơ\ng mnuih [uôn sang a\t mse\ mơh phung am^ ama, phung hđeh dưi mđ^ mlih kla\ s^t. Anei jing gru hmô ja\k siam êdi ]ia\ng dưi mđ^ lar h^n.

Dôk guôn drông anak ti [a\ng jang Sang hră gưl 1 Nguyễn Lương Bằng, phường Thắng Lợi, [uôn pro\ng Pleiku, ayo\ng Trần Minh Đức [uh h’^t ai tiê leh bir êlan ti ana\p [a\ng jang sang hră dưi duh bi liê ngă mkra ksă êmă. Alu\ wa\l pioh kơ phung am^ ama dôk guôn drông anak ăt kah mbha djo\ guôp, bi êdeh găn êrô hluê ngă jăk klei hâo hưn mhro\ hnơ\ng pral tui] hnơ\ng 40 km hlăm 1 m’mông, ba w^t klei êđăp ênang“Klei ana\n jăk êdi kơ phung hđeh hriăm hră. S^t găn alu\ wa\l nao drông phung hđeh găn êrô, lu mnuih sơnăn mhro\ hnơ\ng pral tui] hnơ\ng dưi brei ]ia\ng kriê kjăp klei êđăp ênang kơ phung hđeh hriăm hră mu\t kbiă. Klei anei bi mđ^ lar kơ du\m alu\ wa\l, jih jang du\m sang hră ]ia\ng kriê kjăp klei êđăp ênang kơ phung hđeh hriăm hră lehana\n am^ ama drông anak aneh pô”.

Nguyễn Văn Tùng, k’iăng khua knơ\ng bruă sang ]ư\ êa phường Thắng Lợi, [uôn pro\ng Pleiku brei thâo; Sang hră gưl 1 Nguyễn Lương Bằng dôk djiêu êlan Lê Duẩn ăt jing tuê êlan dơ\ng pro\ng mrô 19, hnơ\ng êdeh găn êrô lu h^n. Êlâo h^n, êlan klông găn êrô alu\ wa\l sang hră anei grăp blư\ rue# hriăm mtu\k mtu\l. Hlăk ana\n, wa\t klei thâo săng mơ\ng phung am^ ama ka đei jăk ôh. {ia\dah kno\ng êbeh 1 thu\n hluê ngă hdră bruă mtru\n hnơ\ng pral – sang hră êđăp ênang, ho\ng klei đru hgu\m mơ\ng knu\k kna, knơ\ng bruă djo\ tuôm lehana\n sang hră, klei thâo săng mnuih [uôn sang hlăm klei găn êrô ăt mse\ mơh phung am^ ama mâo leh klei bi mlih êdi, mjing 1 alu\ wa\l êđăp ênang klei găn êrô ti ana\p sang hră: “Mko\ dưm kdrăp mtru\n hnơ\ng pral ti Sang hră Gưl 1 Nguyễn Lương Bằng, sơnăn mơ\ng bruă ngă mkra ênu\m ênap, ba yua truh kơ ara\ anei djăp ho\ng klei ]ia\ng ba yua kơ klei găn êrô. Klei thâo săng mơ\ng mnuih [uôn sang mâo leh klei bi mlih klă s^t, hlăm klei hluê ngă hdră bruă sơnăn Sang hră Nguyễn Lương Bằng dôk tuê êlan dơ\ng pro\ng Lê Duẩn, kơ hdră ngă bruă alu\ wa\l ăt mguôp mb^t ho\ng kahan ksiêm hluê ngă bruă mtô mblang sơnăn truh kơ ara\ anei mâo du\m klei bi mlih jăk siam hlăm klei găn êrô ti alu\ wa\l sang hră”.

Ăt jing sang hră hluê ngă bi hmô hdră bruă “Mtru\n hnơ\ng êran pral – sang hră êđăp ênang”, aduôn Nguyễn Thị Nga, khua sang hră Gưl 1 Phan Đăng Lưu să Biển Hồ hơ\k m’ak brei thâo, êlan klông ti [a\ng jang sang hră mkra mđ^ leh ksă êmă. Du\m po\k mdhă hâo hưn êlan klông dưi mko\ dưm djo\ guôp. Du\m knơ\ng bruă djo\ tuôm ăt kreh ksiêm dlăng bruă hluê ngă du\m hdră k]ah mtru\n hnơ\ng êran pral tơdah găn sang hră. Mơ\ng ana\n, ngă bi mlih [rư\ [rư\ klei thâo săng mnuih [uôn sang găn hiu hlăm êlan klông lehana\n msir mghaih du\m klei ka djo\, klei hu^ hyưt ngă klei bi drăm êdeh êdâo ho\ng phung hđeh hriăm hră:“M’ak êdi lehana\n nao ai tiê ho\ng du\m boh tu\ dưn klă s^t mơ\ng hdră bruă mâo ba w^t. Tal 1 ana\n jing [a\ng jang sang hră dưi kah mbha djo\ guôp ho\ng êlan klông ara\ anei, mnga] ta], pro\ng êhai lehana\n mâo du\m gru treh, bir êlan k]ah mtru\n hluê hnơ\ng ]ua\n êđăp ênang. Êngao kơ du\m po\k mdhă hâo hưn klă s^t, amâo djo\ kno\ng đru phung am^ ama, anak aneh hlăm alu\ wa\l thâo săng klă đui] ôh, [ia\dah lo\ đru phung găn êrô hlăm êlan klông găn nao alu\ wa\l ana\n hluê ngă ho\ng klei ksă êmă”.

Ti [uôn pro\ng Pleiku, Hdră bruă “mtru\n hnơ\ng êran pral – Sang hră êđăp ênang” mâo Keh mkhư\ gang klei êka, djiê châu Á đru brei lehana\n lông hluê ngă mơ\ng mlan 4/2018 truh kơ mlan 3/2020. Hdră k`ăm ana\n jing mko\ mjing 1 alu\ wa\l êlan klông êđăp ênang h^n ju\m gah sang hră hluê du\m hdră bruă đru hgu\m mse\ si: Mkra mđ^ êlan jơ\ng, mđ^ ktang bruă mtô bi hriăm klei thâo săng hlăm êpul êya, ba yua hdră mhro\ hnơ\ng êran pral. Nao ksiêm dlăng ti [uôn pro\ng Pleiku, aduôn Trịnh Thu Hà, K’iăng khua Adu\ bruă Knơ\ng bruă kriê dlăng klei êđăp ênang êlan klông Ala ]ar brei thâo hdră bruă mâ ba w^t boh tu\ dưn tal êlâo năng ]ih pioh:“Gru kruăk knăl tu\ jing êdi hlăm 1 thu\n hluê ngă Hdră bruă ana\n jing mtru\n leh hnơ\ng êran pral mơ\ng 50 km tru\n adôk 30 km hlăm 1 m’mông hlăm êlan dơ\ng pro\ng ]ar găn sang hră Phan Đăng Lưu lehana\n mtru\n mơ\ng 60 km adôk 40 km hlăm êlan dơ\ng pro\ng găn sang hră Nguyễn Lương Bằng. Hluê si klei kâo ksiêm dlăng sơnăn tal êlâo hluê ngă hdră bruă mse\ djuê ana\n jing mâo klei tu\ jing êdi ho\ng du\m klei m^n t^ng hluê ngă hlăm 1 thu\n ho\ng anei”.

Hluê si klei ksiêm dlăng mơ\ng Keh mkhư\ gang klei êka djiê châu Á, grăp thu\n ala ]ar drei mâo hlăm brô 1 êbâo 900 ]ô hđeh djiê kyua klei bi drăm êdeh êdâo lehana\n anei jing mta phu\n dôk tal 2 ngă djiê hlăm phung hđeh. Bi hluê si klei ksiêm dlăng mkăn, hlăm 100 êbâo ]ô hđeh sơnăn mâo hlăm brô 20 ]ô hđeh djiê kyua klei bi drăm êdeh, ênoh anei ti du\m ala ]ar ASEAN jing êbeh 7 lehana\n du\m ala ]ar đ^ kyar jing êbeh 4.

}ia\ng mhro\ klei truh tơl hlăm phung hđeh, Keh mkhư\ gang klei êka djiê châu Á hluê ngă leh hdră bruă “Mtru\n hnơ\ng êran pral – sang hră êđăp ênang” ti 6 ]ar hlăm kluôm ala lehana\n Gia Lai jing 1 hlăm du\m ]ar lông hluê ngă leh. Aduôn Đinh Kim Phượng, Kriê dlăng Hdră bruă Ala ]ar Keh mkhư\ gang klei êka djiê châu Á brei thâo, mơ\ng klei lông hluê ngă du\m hdră bruă, keh srăng mtru\t mjhar ]ia\ng du\m alu\ wa\l mko\ mjing mđ^ lar, ana\p nao truh kơ klei êđăp ênang h^n kơ phung hđeh hriăm hră: “Leh lông hluê ngă hdră bruă 2 thu\n ti [uôn pro\ng Pleiku, Gia Lai sơnăn hmei ]ang hmăng mâo ba w^t boh tu\ dưn jăk j^n lehana\n dưi mtru\t mjhar hdră đru mdul, ti ana\p mta ho\ng ]ar Gia Lai srăng bi mklă du\m hdră mtru\n ]ia\ng mtru\n hnơ\ng êran pral ti du\m alu\ wa\l sang hră djo\ guôp h^n hlăm kluôm ]ar êlâo, êdei kơnăn ngă tur knơ\ng ]ia\ng ba yua hlăm kluôm ala”.

Mtru\n hnơ\ng êran pral- sang hră êđăp ênang” amâo djo\ kno\ng klei ]ang hmăng mơ\ng du\m êpul êya răng mgang phung hđeh êlăk quốc tế hlăm ala ]ar đui] ôh, [ia\dah jing klei ]ang hma\ng mơ\ng am^ ama phung hđeh ti Gia Lai. Bruă mđ^ lar jing klei ]ia\ng êdi, kyua `u amâo djo\ kno\ng krơ\ng klei êđăp ênang kơ phung hđeh hriăm hră đui] ôh, [ia\dah lo\ đ^ kyar klei thâo săng hlăm ênuk gưl phung hđeh êlăk lehana\n êpul êya kơ bruă hluê hdră mta k]ah mtru\n hnơ\\ng êran pral tơdah găn êrô hlăm êlan klông, ]ia\ng krơ\ng kjăp klei êđăp ênang kơ asei mlei pô lehana\n kơ jih jang mnuih./.