VOV4.Êđê - Aguah mbruê 24-6, hlăm klei bi kƀĭn tal sa, Êpul gơ̆ng mnuih ƀuôn sang ƀuôn prŏng Hồ Chí Minh gưl X, Nguyễn Thành Phong, Khua Knơ̆ng bruă sang čư̆ êa ƀuôn prŏng Hồ Chí Minh, wưng thŭn 2016-2021 lŏ djŏ ruah Khua Knơ̆ng bruă sang čư̆ êa ƀuôn prŏng Hồ Chí Minh wưng 2021-2026.

Hlăm klei bi kƀĭn, Nguyễn Thị lệ, Khua Êpul gơ̆ng mnuih ƀuôn sang ƀuôn prŏng Hồ Chí Minh gưl X răk leh Hră hưn mdah ruah Khua Knơ̆ng bruă sang čư̆ êa ƀuôn prŏng gưl X wưng thŭn 2021-2026 hŏng  Nguyễn Thành Phong, Khua Knơ̆ng bruă sang čư̆ êa ƀuôn prŏng Hồ Chí Minh wưng 2016 – 2021.  Hŏng klei tŭ 77/86 hră mplĕ tŭ ư, ênoh 89,5% phung bi ala mâo ƀô̆ mta tŭ ư sơaĭ, Nguyễn Thành Phong lŏ djŏ ruah Khua Knơ̆ng bruă sang čư̆ êa ƀuôn prŏng Hồ Chí Minh wưng 2021-2026. Nguyễn Thành Phong kkieneg hruê 18-7-1962, ti să Tam Phước, kdriêk Châu Thành, čar Bến Tre, Ñu jing Nai prĭn bruă duh mkra, hriăm thơ̆ng kơ bruă hdră kčah bruă duh mkra yang ƀuôn, bruă kđi čar gưl dlông.

H Zawut pô mblang