VOV4.Êđê- Anôk bruă kahan ksiêm kơ klei êđăp ênang yang ƀuôn, phŭn bruă kahan ksiêm mkŏ mjing leh knăm ba mdah pŏk ngă kdrăp dưn yua điện tử ksiêm dlăng mnuih dôk hlăm anôk mâo klei ruă tưp tar ala čar hlăm mbah mkăp pioh klei čih ala čar kơ mnuih ƀuôn sang. Tui hluê anăn, anôk bruă kahan ksiêm anei pŏk ngă kdrăp dưn yua điện tử ksiêm dlăng mnuih dôk hlăm anôk mâo klei ruă tưp ti ƀuôn prŏng Hà Nội lehanăn čar Quảng Ninh hlăm mbah bi mguôp hŏng kdrăp čih pioh ala čar kơ mnuih ƀuôn sang. Dưi ngă leh kdrăp dưn yua anei čiăng đru kơ jih jang mnuih nao bi klă mâo klei găl, mdăp klei čih kơ mnuih, đru kơ bruă gang mkhư̆ klei ruă tưp Covid-19 hlăm wưng ară anei. Trung tá Nguyễn Thành Vĩnh, K’iăng khua kiă kriê anôk bruă čih pioh ala čar kơ mnuih brei thâo, hlăm kdrăp dưn yua ksiêm dlăng mnuih dôk hlăm anôk mâo klei ruă tưp. Tơdah mnuih yua srăng dưi thâo klă klei ruă tưp hlăm anôk pô dôk, mă bruă, hmao ngă dŭm hdră êlan gang mkhư̆ klei ruă tưp Covid-19. Čŏng nao hưn mdah klei čih, mkŏ mjing mrô QR code tơdah găn dŭm anôk găk răng klei ruă tưp Covid-19. Hmao thâo klă klei jing, ksiêm dlăng, đru kčĕ hlăm bruă gang mkhư̆ klei ruă tưp Covid-19.

Pô mblang: Y- Ƀel Êban