VOV4.Êđê -  Tlam mmăt mbruê 12/7, ti Hà Nội, Đại tướng Tô Lâm, khua phŭn bruă kahan ksiêm mâo leh klei blŭ hrăm online hŏng Ajit Kumar Doval, jing khua kčĕ klei êđăp ênang ala čar India. Hlăm klei blŭ hrăm anăn, 2 nah hmăng hmưi lŏ mđĭ klei bi mguôp hlăm bruă klei mrâo, kah mbha klei hưn mdah mơ̆ng khua gĭt gai gưl dlông, bi mguôp, bi đru hlăm dŭm klei kƀĭn tar rŏng lăn kơ dŭm boh klei uêñ mĭn mbĭt. Blŭ hlăm klei blŭ hrăm anăn, pô đru kčĕ klei êđăp ênang ala čar Indie Ajit Kumar Doval mñă klă, êpul hgŭm klei êđăp ênang ala čar India yap yuôm nanao klei bi mguôp plah wah 2 ala čar, mprăp lŏ mđĭ hĭn klei bi mguôp anăn hlăm lu bruă ngă, pŏk phai klei bi mguôp hŏng phŭn bruă kahan ksiêm Việt Nam hlăm djăp bruă. 2 nah lŏ hrăm mbĭt đru mkŏ mjing klei blŭ hrăm êđăp ênang gưl k’iăng khua phŭn bruă 2 nah ti ala čar India. Mđĭ bruă gang mkhư̆ phung ngă măk ƀai, phung ngă soh hluh ala čar, mnuih ngă soh hŏng kdrăp mrâo mrang, mbliư̆ prăk amâo djŏ klei bhiăn jing prăk jăk, phung soh kơ ma túy, mtrŭt mjhar klei mtô mjuăt dŭm čô knuă druh bruă klei mrâo mrang bruă klei mrâo, klei kreh knhâo mkhư̆ phung ngă măk ƀai.

Y Ƀel pô mblang