VOV4.Êđê - Aguah hruê 23/6 mbruê, ti Anôk bruă Phŭn bruă lĭng kahan Lao, K’iăng khua knŭk kna hlŏng klam Khua phŭn bruă lĭng kahan Lao Chansamone Chanyalath mđup brei leh prăk mâo ênoh 200 êbâo USD kơ Pô bi ala Việt Nam ti Lao Nguyễn Bá Hùng, đru kơ Knŭk kna lehanăn mnuih ƀuôn sang Việt Nam gang mkhư̆ klei ruă Covid 19. Hŏng ai tiê thâo bi đru gui klei dleh dlan, đru kơ ala čar ƀĭng găp msĕ si đru kơ pô, Phŭn bruă lĭng kahan Lao mtrŭt mjhar leh phung knuă druh, lĭng kahan, mnuih mă bruă kah sa kdrêč hrui wĭt, đru kơ knŭk kna lehanăn mnuih ƀuôn sang Việt Nam lŏ mâo prăk kăk mdrơ̆ng hŏng klei ruă Covid 19. Pô bi ala Nguyễn Bá Hùng ăt hưn mthâo hŏng K’iăng khua knŭk kna, Khua phŭn bruă lĭng kahan Lao Chansamone Chanyalath kơ hdră mdrơ̆ng hŏng klei ruă Covid 19 ti Việt Nam, boh nik ti alŭ wăl dôk bluh mâo lu. Mbĭt anăn mñă klă, Đảng, Knŭk kna lehanăn mnuih ƀuôn sang Việt Nam srăng hrăm mbĭt, sa ai lehanăn đru kơ Lao mdrơ̆ng hŏng klei ruă Covid 19./.

H Nêč pô mblang