VOV4.Êđê - Bruă Đảng kahan gưl dlông - phŭn bruă lĭng kahan mkŏ mjing leh knăm mtrŭt mjhar klei bi ktưn hŏng akŏ “Lĭng kahan hrăm mbĭt, sa ai bi lông, gang mkhư̆ lehanăn dưi hŏng klei ruă tưp Covid-19”. Đại tướng Phan Văn Giang, khua phŭn bruă lĭng kahan gĭt gai leh kñăm anei ti anôk bi kƀĭn phŭn bruă lĭng kahan mbĭt hŏng 220 anôk bi kƀĭn hlăm ala čar. Klei bi ktưn anei kñăm kơ dŭm bruă bi mguôp, klei bi đru mơ̆ng gưl bruă Đảng nah gŭ, bruă sang čư̆ êa mgaih msir dŭm klei dleh dlan, đru hrui pĕ boh mnga lehanăn ba čhĭ boh mnga bruă lŏ hma, mkăp brei mnơ̆ng dhơ̆ng yua mjêč hlăm klei hdĭp lehanăn kriê dlăng klei suaih prăl mnuih ƀuôn sang, mprăp dŭm hdră êlan gang mkhư̆ klei ruă tưp kơ sa hnơ̆ng dlông hĭn čiăng hmao mgaih msir djăp klei truh, amâo mâo klei kjăt kƀla hlăm djăp bruă. Hlăm hruê tal êlâo mtrŭt mjhar, 1.096 čô knuă druh, mnuih dôk hriăm ti anôk bruă mdrao mgŭn lĭng kahan lŏ nao đru kơ ƀuôn prŏng Hồ Chí Minh lehanăn dŭm čar krĭng dhŭng ngă bruă klam gang mkhư̆ klei ruă tưp Covid-19.

Y Ƀel pô mblang