VOV4.Êđê- Hlăm klei kbĭn online plah wah phŭn bruă mdrao mgŭn hŏng dŭm alŭ wăl kơ bruă tlŏ mgang vaccine gang mkhư̆ klei ruă tưp Covid-19 tlam hruê 17/11, K'iăng khua phŭn bruă mdrao mgŭn Đỗ Xuân Tuyên brei thâo, ară anei mâo lu alŭ wăl dôk ngă êmưt bruă tlŏ mgang vaccine, čih pioh amâo ênŭm, ngă klei hmăi kơ bruă tlŏ mgang hlăm kluôm ala. Ară anăn kluôm ala mkăp brei leh 130 êklăk hnơ̆ng vaccine gang mkhư̆ klei ruă tưp Covid-19, hlăm anăn krĭng kwar Dhŭng dưi mkăp brei lu hĭn hlăm brô 60 êklăk hnơ̆ng vaccine, krĭng kwar Dưr 49 êklăk hnơ̆ng, krĭng kwar Krah leh anăn krĭng Lăn Dăp Kngư jing êbeh 4 êklăk 700 êbâo hnơ̆ng. Kluôm ala ngă leh bruă tlŏ mgang 102 êklăk hnơ̆ng Vaccin gang mkhư̆ klei ruă tưp Covid-19.

Pô mblang: Y-Ƀel Êban