VOV4.Êđê - Phŭn bruă mtô mjuăt lehanăn sang hră mơar mâo leh hră mơĭt kơ bruă sang čư̆ êa dŭm čar, ƀuôn prŏng mơ̆ng gưl dlông kơ bruă drông jum, mjing klei găl kơ hđeh sang hră dôk hlăm anôk mâo klei ruă tưp. Tui si Phŭn bruă mtô mjuăt lehanăn sang hră mơar, ti anăp klei dleh dưi ksiêm dlăng mơ̆ng klei ruă tưp, mâo lu hđeh sang hră wĭt kơ ƀuôn phŭn pô, amâo hmao dôk guôn truh kơ wưng thŭn hriăm mrâo. Čiăng rơ̆ng klei jăk kơ phung hđeh sang hră, Phŭn bruă mtô mjuăt lehanăn sang hră mơar mtă kơ khua kiă kriê bruă sang čư̆ êa dŭm kdriêk, ƀuôn prŏng mơ̆ng gưl dlông gĭt gai kơ dŭm knơ̆ng bruă mtô mjuăt lehanăn sang hră mơar, dŭm sang hră mơar ngă bruă drông jum, ngă klei găl kơ hđeh sang hră hlăm hruê mmông gang mkhư̆ klei ruă tưp Covid-19, djŏ hŏng klei găl hlăm alŭ wăl, sang hră mơar. Bi mguôp hŏng dŭm alŭ wăl, sang hră, anôk mâo hđeh sang hră čiăng nao hriăm čiăng ngă hră mơar, dăp dŭ hriăm kơ hđeh sang hră.

Y Ƀel pô mblang