VOV4.Êđê - klei ruă tưp covid 19 hlăk đĭ lar snăn ƀiă mnuih kbiă hiu kơ tač, klei blei mnơ̆ng ba wĭt kơ sang jing lu, snăn mâo klei ba yua lu mnơ̆ng hŏng ksu yua mă sa blư̆. Si srăng ngă čiăng dưi mkhư̆ klei ruă tưp êjai lehanăn dưi rơ̆ng bi mdoh mơh wăl hdĭp mda, bi hrŏ klei hwiê djah ksu? Anei yơh jing asăp mtă kơ klei “Lač Ơ ơh hŏng đĭng ƀuôp ksu” mâo Phŭn bruă ngăn dŏ wăl hdĭp mda mbĭt hŏng Êpul Grŭp Nestle Việt Nam mtrŭn aguah hrue mbrue (16/7). Bruă anei dưi mkŏ mjing hlăm dua wưng. Wưng tal êlâo mơ̆ng mlan 7 truh mlan 8/2021, iêu mthưr kơ jih jang mnuih, anôk duh mkra, anôk čhĭ mnơ̆ng ƀơ̆ng huă pral, cafe, sang mdah fim, anôk mnăm êa hlao mhao đăm lŏ yua ôh đĭng ƀuôp ksu. Wưng tal dua mkŏ mjing mơ̆ng mlan 8 truh mlan 12/2021 srăng ngă kơ jih jang bruă mdrăm mbĭt hŏng tar rŏng lăn bi mâo klei doh hĭn, mđĭ hĭn klei hâo hưn mtô mblang kơ phung hđeh êlăk, hdeh hriăm hră đăm lŏ yua ôh đĭng ƀuôp ksu./.

Y Khem pô mblang