VOV4.Êđê- Ti anôk bi kƀĭn kluôm Dhar bruă Duh mkra mơ̆ng Anôk bruă kƀĭn ala hlăm hruê 24/6, Khua phŭn bruă Ngăn prăk Hồ Đức Phớc lač klă, mrâo êgao Dhar bruă gĭt gai bruă kƀĭn ala tŭ ư mkăp 14 êbâo êklai prăk mơ̆ng Ngăn prăk gưl dlông mguôp mbĭt hŏng prăk mơ̆ng Keh Vaccine gang mkhư̆ Covid 19 hlăm brô 8 êbâo êklai prăk, jih jang mâo 22 êbâo êklai prăk, dơ̆ng djăp leh čiăng blei vaccine gang mkhư̆ Covid 19 kơ 75 êklăk čô mnuih ƀuôn sang, grăp čô dua aruăt tlŏ. Knhal jih mlan 5, Dhar bruă gĭt gai bruă kƀĭn ala bi mklă ba yua 12.100 êklai prăk mơ̆ng phŭn prăk mkiêt mkriêm bi liê thŭn 2020 čiăng blei vaccine gang mkhư̆ Covid 19. Hŏng klei mĭn tĭng srăng blei 150 êklăk hnơ̆ng vaccine kơ hlăm brô 75 êklăk čô mnuih, Phŭn bruă ngăn prăk đăo tĭng hlăm brô 25.200 êklai prăk./.

                                                    Pô mblang: H’Nêč Êñuôl