VOV4.Êđê - Tlam hruê 11/6, Phŭn bruă Ngăn prăk mkŏ mjing leh Knăm tŭ mă prăk đru hlăm Keh vaccine gang mkhư̆ Covid 19 mơ̆ng dŭm êpul bruă lehanăn anôk duh mkra. Khua phŭn bruă Ngăn prăk Hồ Đức Phớc nao dlăng lehanăn jao Hră bi mklă đru brei mơ̆ng dŭm êpul bruă đru. Ti knăm anei, Khua phŭn bruă ngăn prăk Hồ Đức Phớc lehanăn Khua kiă kriê Keh tŭ mă leh klei đru mơ̆ng 5 êpul êya bruă hŏng êbeh 320 êklai prăk. Bi ala kơ phung knuă druh ti Anôk bruă Hjiê prăk knŭk kna, Khua knơ̆ng bruă Nguyễn Đức Chi ăt mđup brei kơ Keh prăk đru mâo 3 êklai 450 êklăk prăk. Khua phŭn bruă ngăn prăk Hồ Đức Phớc tĭng dlăng, hlăk bruă duh mkra pla mjing mơ̆ng lu anôk bruă duh mkra tuôm hŏng klei dleh dlan kyua klei ruă Covid 19, ƀiădah lu anôk bruă duh mkra gĭr bi hrŏ ênoh duh bi liê, amâo djŏ knŏng rơ̆ng hdră mă bruă ƀiădah lŏ đru mguôp ngăn prăk hlăm Keh vaccine gang mkhư̆ Covid 19./.

H Nêč pô mblang