VOV4.Êđê- Phŭn bruă sang hră mơar mrâo mâo leh hră mtrŭn mơĭt truh kơ knơ̆ng bruă sang čư̆ êa dŭm čar, ƀuôn prŏng mjing djăp klei găl kơ bruă dŭ mdiăng hdruôm hră mtô bi hriăm pioh mprăp kơ thŭn hriăm mrâo 2021 – 2022. Ară anei, mâo hlăm brô 95% hdruôm hră mtô bi hriăm mâo mbha leh truh kơ djăp alŭ wăl. Siămdah, bruă du mdiăng adôk tuôm hŏng klei dleh dlan, mơ̆ng mơ̆ng sang hjiê, knơ̆ng bruă mkăp mbha hdruôm hră mơar wĭt kơ dŭm kdriêk, să dŭm boh sang hră lehanăn kơ amĭ ama hđeh, hđeh hriăm hră, kơ nai mtô êlâo kơ hriăm thŭn hriăm mrâo hlăk dôk tuôm hŏng klei dleh dlan, boh nik ti dŭm alŭ wăl hlăk dôk ngă klei bi ktlah yang ƀuôn. Phŭn bruă sang hră mơar mtă leh kơ dŭm alŭ wăl mjing djăp klei găl kơ bruă dŭ mdiăng anei kñăm čiăng bi hmao kơ thŭn hriăm mrâo 2021 –2022./.

Pô mblang: Y-Khem Niê