VOV4.Êđê - Phŭn bruă sang hră mơar mrâo mâo leh hră mtrŭn truh kơ dŭm knơ̆ng bruă sang hră mơar mđĭ hĭn bruă mtô hŏng Internet, hlăm hdră mđup rup êjai wưng mdei hriăm kyua klei ruă tưp. Hră mtrŭn mơ̆ng Phŭn bruă sang hră mơar lač klă, ti anăp klei ruă tưp dleh dưi ksiêm dlăng, hlăm wưng phung hđeh hriăm hră mdei êjai hriăm hră mơar. Phŭn bruă sang hră mơar mtă leh kơ dŭm knơ̆ng bruă sang hră mơar ktrâo atăt kơ dŭm boh sang hră, ksiêm dlăng, bi hrŏ klei hriăm čiăng dưi mkŏ mjing hdră mtô bi hriăm hŏng Internet, hlăm hdră mđung rup, hlăm hdră djŏ guôp hĭn. Êjai ngă hră mtô bi hriăm anăn, bi ksiêm dlăng si ngă hdră mtô bi hriăm anăn năng tŭ dưn mơ̆, klă mngač mơ̆ pioh mtô bi hriăm lehanăn ktrâo atăt hđeh hriăm bi jăk. Tơdah leh truh wưng hđeh lŏ nao sang hră mơar, dŭm boh sang hră srăng mkŏ mjing klei ksiêm dlăng, bi klă hnơ̆ng hđeh hriăm leh mơ̆ng Internet, mơ̆ng hdră mđung rup anăn./.

Y Khem pô mblang