VOV4.Êđê - Hlăm 6 mlan akŏ thŭn, phung êdam êra Dak Lak hluê ngă leh êbeh 13 êbâo hdră bruă, kdrêč bruă êdam êra, đru mkŏ mkra krĭng ƀuôn sang mrâo, đru kơ dŭm alŭ wăl dleh dlan hlăm čar. Klă klơ̆ng, hlăm 6 mlan êgao, kluôm čar pla mrâo lehanăn dlăng kriê giăm 41 êbâo ana kyâo mtâo, mkŏ mjing 47 anôk bi mjĕ mjuk, hlăp lêñ kơ phung êdam êra, hđeh êlăk ti dŭm să, ƀuôn hgŭm, wăl krah. Hluê ngă giăm 200 mta bruă kơ phung hđeh lehanăn đru kơ êbeh 37 êbâo čô hđeh mâo klei hdĭp dleh dlan.

Mkŏ mjing 5 gru hmô, hdră đru kơ phung êdam êra dleh dlan, đru kơ 53 hdră mphŭn čô̆ kơ bruă lehanăn đru kơ phung êdam êra mă čan giăm 48 êklai prăk kñăm mđĭ kyar bruă duh mkra. Hluê si klei tĭng dlăng mơ̆ng Anôk kriê dlăng bruă Đoàn čar Dak Lak, hlăm 6 mlan êgao, khădah hmăi mơ̆ng klei ruă Covid 19 ngă kơ lu hdră bruă tuôm hŏng klei dleh dlan, lu bruă mâo bi kdung amâo dah lăm lui. Khă snăn, mâo lu mta bruă ăt dưi hluê ngă, lu anôk bruă mâo mprăp leh hdră kčah ngă bruă, rơ̆ng bi leh jih bruă klam mbĭt anăn ăt rơ̆ng kjăp hdră gang mkhư̆ klei ruă tưp./.

H Nêč pô mblang