VOV4.Êđê- Bi đru klam klei ktrŏ kơ phung ƀuôn sang hlăk dôk hlăm krĭng kwang dar lehanăn êpul ngă bruă hlăm krĭng krĭng mâo klei ruă tưp ti ƀuôn prŏng Hồ Chí Minh, lehanăn dŭm čar Bình Dương, Đồng Nai, dŭm hrue anei, djăp alŭ wăl hlăm čar Daknông, dŭm êpul hgŭm phung ba anăp kyua yang ƀuôn mbĭt hŏng jih jang phung thâo bi đru, lehanăn phung ƀuôn sang djăp djuê ana bi mkrum, dŭ ba mnơ̆ng truh dŭm êtuh tôn djam, boh kroh mơĭt nao đru hlăm klei mdrơ̆ng hŏng klei ruă tưp.

Yap mơ̆ng hrue 23/6 truh 12/7, Êpul kiă kriê klei đăo yơng čar Daknông mâo mkrum leh truh 142 tôn mnơ̆ng mâo braih, djam, hbei tao, mtei, boh kneh, plei, boh ƀơr, djam mtam mtah. 

Ti kdriêk Dak Song, lehanăn kdriêk Tuy Đức mâo êbeh 60 thôn djap, mtam boh kroh, lehanăn 6 êbâo boh mnŭ mâo phung ƀuôn sang mơĭt kơ krĭng mâo klei ruă tưp./.

Pô mblang: Y-Khem Niê