VOV4.Êđê - Aguah mbrue (5/7) ti anôk bruă Đảng gưl dlông, klei bi kƀĭn tal 3 Êpul khua kiă kriê gưl dlông bruă Đảng gưl 13, pŏk leh kdrăm k’ah. Ti anôk bi kƀĭn gưl dlông tal anei mâo bruă čuăn: Trông čhai, bi klă dŭm mta bruă yuôm bhăn msĕ si: Hdră mđĭ kyar bruă duh mkra ala ƀuôn wưng 5 thŭn 2021 – 2025; ksiêm dlăng, mtrŭn kơ klei bhiăn ngă bruă mơ̆ng Êpul khua kiă kriê bruă Đảng gưl dlông, Phŭn bruă kđi čar, Êpul khua kiă kriê, lehanăn klei bhiăn kơ Dhar bruă ksiêm dlăng gưl dlông wưng păn bruă gưl 13, klei mtrŭn hlue ngă klei bhiăn Đảng, lehanăn klei mtrŭn kơ bruă ksiêm dlăng, ƀuah mkra mơ̆ng Đảng hlăm wưng păn bruă gưl 13; lŏ dơ̆ng bi klă ênŭm mnuih ngă bruă hlăm phung khua kiă kriê djăp êpul bruă knŭk kna wưng păn bruă kƀĭn ala tal 15, čiăng kơ bruă kƀĭn ala  ruah lehanăn bi klă ti anôk bi kƀĭn tal sa bruă kƀĭn ala gưl 15 kơ anăp; lehanăn dŭm bruă yuôm bhăn mkăn.

Blŭ ti anôk bi kƀĭn, Khua gĭt gai Đảng Nguyễn Phú Trọng mñă, anei jing hdră jing yuôm bhăn, bruă prŏng, mâo klei tŭ dưn bi klă kơ klei tŭ jing djăp mta kñăm, bruă čuăn mđĭ kyar klei duh mkra ala ƀuôn, mơ̆ng klei bi kƀĭn prŏng Đảng 13 mtrŭn leh./.

Y Khem pô mblang