VOV4.Êđê - Čar Daklak ba mkăp leh pui kmlă kơ sang êa drao jing jai mrô 1 pioh kơ bruă mdrao mgŭn mnuih ruă covid 19 ti hnơ̆ng hdjul. Sang êa drao jing jai mâo ba yua 3 pruĕ sang sang hđeh hriăm hră dôk ti sang hră gưl krah bruă mjuăt bi hriăm Daklak, hŏng ênoh jih jang truh 180 boh adŭ, hŏng 1 êbâo boh jhưng đih.

Aê mdrao Nguyễn Ngọc Thịnh Khua kiă kriê sang êa drao jing jai mrô 1, brei thâo, čiăng kơ sang êa drao pral dưi ngă bruă, jing mâo klei đru yuôm bhăn mơ̆ng dhar bruă pui kmlă Daklak: “Tŭ mă anôk phung hđeh hriăm hră dôk hmei nao ksiêm dlăng pui kmlă êa jua ti anei jhat rai lu. Hmei akâo leh klei bi mguôp mơ̆ng knơ̆ng bruă pui kmlă Daklak, brei ayŏng adei ngă bruă hriê đru, bi mlih anôk mđĭ mtrŭn pui, mđĭ hnơ̆ng pui srăng ba yua kơ sang êa drao jing jai. Tal dua, jing knơ̆ng bruă brei hmei mañ sa boh masin bi êran pui mkăp, huĭdah mâo klei djiê pui kmlă amâo mâo yŏng thâo, nga hmăi amâo mâo jăk kơ bruă mdrao mgŭn”.

Y Khem pô mblang