VOV4.Êđê - Aguah mbrue (4/6), tŭ mă prăk đru mguôp truh 300 êklăk prăk mơ̆ng knuă druh, mnuih ngă bruă mơ̆ng sang mđung asăp blŭ Việt Nam, Khua knơ̆ng kiă kriê bruă măjt trận čar kwar gưl dlông Việt Nam Đỗ VănChiến bi mni kơ klei đru mguôp leh yuôm bhăn mơ̆ng sang mđung asăp blŭ Việt Nam hlăm klei hâo hưn, bruă mdrơ̆ng hŏng klei ruă tưp covid 19, đru kơ mnuih ƀuôn sang kluôm ala păn kjăp boh klei ruă tưp, lehanăn ngă jăk jih jang klei phŭn bruă mdrao mgŭn mtă mtăn. Jao ênoh mguôp truh 300 êklăk prăk kơ Dhar bruă mặt trận čar kwar gưl dlông Việt Nam, k’iăng khua knơ̆ng kiă kriê sang mđung asăp blŭ Việt Nam Vũ Hải Quang brei thâo grăp čô knuă druh, mnuih ngă bruă sang mđung asăp blŭ Việt Nam maoa mkrum leh truh 300 êklăk prăk hŏng klei čang hmăng dưi đru mguôp thiăm pioh hrăm mbĭt hŏng Đảng, lăn čar, knŭk kna gang mkhư̆ klei tưp lar mơ̆ng klei ruă tưp hlăm yang ƀuôn. Khua Dhar bruă mặt trận čar kwar gưl dlông Việt Nam Đỗ Văn Chiến ƀuăn hŏng klei klă mngač, ba yua prăk anei djŏ hdră, mâo klei tŭ dưn, djŏ hdră bhiăn dŭm ênoh bi mguôp pioh blei vaccine Covid 19./.

Y Khem pô mblang