VOV4.Êđê- Tlam mbruê 31-8, ti Anôk bruă mđung asăp ala čar, 58 Quán sứ, Hà Nội, Sang mđung asăp blŭ Việt Nam mkŏ mjing knăm ba phung knuă druh, čih klei mrâo nao mă bruă ti dŭm čar nah Dhŭng. Êpul knuă druh, phung čih klei mrâo čŏng ngă bruă tal anei mâo 12 čô mnuih, nao ti ƀuôn prŏng Hồ Chí Minh leh anăn dŭm čar nah Dhŭng kyua Phạm Mạnh Hùng, K’iăng Khua Sang mđung asăp blŭ Việt Nam ngă Khua êpul. Êpul mâo bruă klam mđĭ bruă gĭt gai, hâo  hưn kơ hdră gang mkhư̆ klei ruă tưp leh anăn dŭm boh phŭn hlăm dŭm kdrăp hâo hưn mơ̆ng Sang mđung asăp blŭ Việt Nam.  Ti mmông trŭn ngă bruă, phung čih klei mrâo mơ̆ng Sang mđung asăp blŭ Việt Nam bi êdah klei sa ai tiê hrăm mbĭt hŏng dŭm êpul anôk phŭn, gĭr hâo hưn kơ klei ruă tưp. Čang hmăng mâo lu klei hâo hưn, hdră dlăng lu mta kơ hdră gang mkhư̆ klei ruă tưp mơ̆ng ala čar.

Pô mblang: H’Zawut Ƀuôn Yă