VOV4.Êđê - Hŏng klei čang hmăng bi đru gui klei dleh dlan mbĭt anăn ba wĭt klei hơ̆k m’ak kơ phung hđeh ti krĭng taih kbưi ti să Đăk Pne, Anôk bruă pui kmlă Kon Braih, Anôk bruă pui kmlă Kon Tum mkŏ mjing leh Knăm nao čuă čhưn lehanăn mđup brei mnơ̆ng kơ phung hđeh điêt ti dŭm boh ƀuôn dleh dlan, krĭng taih kbưi ƀri Hruê Quốc tế phung hđeh, hruê 1/6. Să Đăk Pne jing să ƀun, krĭng taih kbưi dleh dlan hlăm kdriêk Kon Braih, čar Kon Tum hŏng êbeh 75% ênoh gŏ êsei jing mnuih djuê ana Bahnar, klei hdĭp mnuih ƀuôn sang tinei adôk lu klei dleh knap. Knuă druh, mnuih mă bruă Anôk bruă Pui kmlă Kon Braih čŏng đru mguôp lehanăn ba jao 25 hnư mnơ̆ng kơ phung hđeh, mtrŭt mđĭ ai phung hđeh mâo klei hdĭp dleh dlan kriăng hriăm hră ti ƀuôn Đăk Nghen, mđup brei mnơ̆ng mbĭt hŏng ênoh prăk 300 êbâo đru kơ adei A Nguy ti ƀuôn Đăk Pơ, alŭ 2, să Đak Pne amâo mâo jăk asei mlei./.

H Nêč pô mblang